Sekretari organizativ i AKR-së Rrahim Pacolli ka shprehur ngushëllimet e tij për vdekjen e tre personave sot në një aksident trafiku në Zhur të Prizrenit.

Ai në një shkrim në Facebook ka kërkuar nga ngasësit që të kenë kujdes maksimal, kurse i ka bërë thirrje edhe policisë që të dalë me strategji dhe plane veprimi për të shmangur tragjeditë si kjo e sotmja.

Lexoni të plotë shkrimin e tij:

Një lajm i hidhur humbja e jetës së tre personave sot në Zhur të Prizrenit. Shpreh ngushëllimet më të sinqerta familjarëve në këtë ditë të rëndë për ta. Ka kohë që rrugët e Kosovës po shndërrohen në arena të vdekjes për shkaqe të ndryshme. Prandaj u bëj thirrje ngasësve që të kenë kujdes maksimal kur vendosin të jenë pjesëmarrës në komunikacion, sepse një gabim mund të kushtojë me jetë. Njashtu edhe Policia e Kosovës të dalë me strategji dhe plan veprimi për të shmangur tragjeditë si kjo e sotmja. RrP